Лосі ў горадзе!

Таму не дзіва, што ў госці да менчукоў завітваюць дзікі, зайцы, а зрэдчас нават лісы і ваўкі.

Але калі б прыйшлося абіраць жывёлу-татэм Менска, то пэўна ім бы стаў лось. Сахатыя часта заходзяць у горад, з’яўляюцца на кальцавой і нярэдка становяцца героямі гарадскіх гісторый.

Так вясной 1984 года да Камсамольскага возера з боку Новавіленскай вуліцы зайшлі нечаканыя госці — ласяняты, якія вырашылі папасвіцца ў сталіцы. Хтосьці з мінчукоў паведаміў пра гэта ў рэдакцыю «Вечернего Минска», і пасля здымак «прышэльцаў» упрыгожыў адзін з нумароў газеты.

Яшчэ раней адбылася гісторыя, якая на дзесяцігоддзі пакінула ўспамін, стаўшы лакальным тапонімам.

Раніцай 27 мая 1975 года спрацавала сігналізацыя ў гастраноме № 12 на вуліцы Каліноўскага, 81. Міліцыя прыбыла праз некалькі хвілін. Вітрына была разбіта. 

«Злодзея» заўважылі яшчэ з вуліцы, ён спокойна глядзеў на супрацоўнікаў праз вакно бухгалтэрыі-гэта была маладая лосіха.
Яна трапіла ў гастраном праз вітрыну, прайшлася па гандлёвай зале, зазірнула ў каўбасны аддзел, пераскочыла праз касы і зайшла ў бухгалтэрыю, дзе і трапіла ў пастку.

Навіна пра «палонніцу» абляцела мікрараён за паўгадзіны. Менчукі спрабавплі выманіць яе чым-небудзь смачным, але ласіха адмаўлялася. Заставалася прыдумаць, як яе адтуль вывесці: на лася ж кайданкі не надзенеш.

Некалькі гадзін яна ўпарта трымала абарону. 
Але выратавальнікі накінулі на рогі арканы і так вывелі яе ў двор.

Разбітая вітрына, беспарадак і паламаныя вагі — вынік яе «візіту». 
Але цікавасць да крамы пасля здарэння настолькі вырасла, што павелічэнне выручкі хутка пакрыла страты. Пасля здарэння былы гастраном № 12 жыхары і да сёння клічуць «Ласіным».

Лось на ўзлётцы

Чарговая гісторыя пра прыгоды сахатых. У Менскім аэрапорце самалёт, заходзячы на пасадку, раптам рэзка павярнуў: «Паласа не свабодная. Раблю яшчэ адзін заход», — прагучала ў дыспетчарскай.
Да паласы кінуўся УАЗ ваенізаванай аховы. Але як жа яны былі здзіўлены, калі ўбачылі, што па бетоне гуляў ласёнак, перакрыўшы пасадачную паласу.

Першая спроба прагнаць госця нічога не дала. Наадварот, ласёнак ударыў пярэднім капытом у дзверы машыны, пакінуўшы дзве ўмяціны.

Тады вырашылі прагнаць яго вадой з пажарнай машыны. Але напор вады з брандспойта не спалохаў жывёлу, ён нават з задавальненнем напіўся.

Усёж, агульнымі намаганнямі яго здолелі прыбраць з паласы і загнаць ў агароджу. Але ласёнак, заўважыўшы, што ў варотах няма аднаго прута, кінуўся ў праём і, пакінуўшы на металічнай сетцы клок поўсці, вырваўся на волю.

Такія вось цікаўныя жывёлы — гэтыя лосі, што часам «у госці» наведваюць нашу сталіцу.